BACHPAN SE PACHPAN

hai ek samay ki baat purani,
ajab kahani..

shuruaat uski damdaar badi!
aankhiyaan apas lad haar mari..

tha ek ladka,
aur ek ladki.
yahi har baar to hota hai..

pehle cutie hai, babu, sona hai..
fir to bas, rona hai..

par inka pyaar puraana tha..

jaise wo bachpan se pachpan wala..

ladka thoda deewana tha..
khwaab hollywood,
khud bollywood..

ladki rehti maddham aanch pe..
na kabhi ubalti,
na tawe se utarti..

bartan hamesha bajte..
ghar ghar ki yahi kahani..
fir bhi gaadi inki thi patri par..
wo ladki na thi kam deewani..

jodi rahe salamat!
yahi dua sab dete the..
andhere ne par kab kisi ki maani hai..

roshni jab hoti hai charam par,
Bas! tabhi to usse apni dhaak jamaani hai..

kuch kilometer aa gye beech mein
to kya hua?
dekh lenge inko bhi!
aisa dono ne socha tha..

ladki boli,
ye daayra hai mera.
isse bahar mat jaana.

par jo na bola tha,
wahi to hona tha..

bas thodi si chehelkadmi,
bahar duniya alag thi..
naye log, nayi reet..
naye tabke..

ye sab to naya hai!
sirf ladke ne hi to dekha hai!
aur wo daayra chhota pad gaya..

par bahar ki chamak thi,
pheeki to padni hi thi..
aakhir ghar to ghar hi hota hai.

yahi to gadbad kar gaya deewana.
deewanapan dheeme dheeme dhundhla gaya..

wo daayra majboori nahi thi,
vishwaas tha jisse juthla diya.

ab pachtaye kya hoet hai,
jab chidiya chug gayi khet..

wo pyaar tha na,
bachpan se pachpan wala..
beet gaye the unke pachpan saal..

wo kya hai na,
jo daayra tha na!
uske baahar time bhaagta thoda jaldi hai..

kya kaha?
doosra mauka?
aji kaha tha na, ladki hai,
par kam deewani nahi hai..

pyar me dhokha to koi jhel bhi jaye,
vishwaas me dhokha..
Itna aasaan nahi hai..

chalo koi baat nahi!

samaya sab theek kar dega..
bhale hi ye ghaav kaafi gehra hai..

aap par thoda yaad rakhiyega..
pyar bhale hi bachpan ka ho,
uspe bhi pachpan ka pehra hai..

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s